Bubbi sendi Thelmu heim

Það var Thelma Hafþórsdóttir sem var send heim úr Bandinu hans Bubba í kvöld þegar aðeins þrír þátttakendur voru eftir. Þátturinn í kvöld var sennilegast tvísýnasti þátturinn til þessa, enda frábærir keppendur sem standa eftir.

Þegar Bubbi þurfti að velja þann sem hann vildi senda heim sagði hann að þetta hefði verið heilmikill rússíbani og keppendur hefðu sýnt mikinn kjark að mæta helgi eftir helgi til að syngja fyrir alþjóð. Það eru þeir Eyþór Ingi Gunnlaugsson og Arnar Már Friðriksson, sem munu keppa til úrslita.