City vann baráttuna við Chelsea um Robinho

Manchester City kom heldur betur úr óvæntri átt og keypti brasilíska sóknarmanninn Robinho rétt fyrir lokun félagaskiptagluggans. Kaupverðið er í kringum 32,5 milljónir punda.

Chelsea hefur verið á eftir leikmanninum en City blandaði sér óvænt í slaginn og hefur Robinho skrifað undir fjögurra ára samning við liðið.

Mark Hughes segir á opinberri vefsíðu City að hann sé hreinlega í skýjunum með þessi kaup. „Þessi kaup sýna skýrt þann metnað sem er hjá Manchester City," sagði Hughes.

Robinho er 24 ára en hann gekk til liðs við Real Madrid frá Santos í Brasilíu 2005.