Arsenal er 21. liðið í frönsku deildinni

Samir Nasri var hetja Arsenal um helgina þgar hann skoraði bæði mörk liðsins í sigrinum á Manchester United. Hann segir að Arsenal sé kallað 21. liðið í frönsku úrvalsdeildinni í heimalandi sínu.

"Arsenal virðist vera franskt lið. Stjórinn er franskur, við erum með frönskumælandi Afríkumenn í liðinu og franskan er mikið töluð víða alls staðar. Í Frakklandi erum við kallaðir 21. liðið í efstu deildinni þar í landi," sagði Nasri í samtali við Sky.

"Ég horfði á Arsenal í sjónvarpinu þegar Thierry Henry, Patrick Vieira og Robert Pires spiluðu hérna og að mínu mati er Arsene einn besti stjórinn í heiminum. Það er heiður að fá að spila fyrir hann," sagði miðjumaðurinn