Enski boltinn

Helgin á Englandi - Myndir

Elvar Geir Magnússon skrifar

Liverpool trjónir á toppi úrvalsdeildarinnar eftir góðan sigur á Chelsea í gær. Tottenham byrjaði vel undir stjórn Harry Redknapp og Hull heldur áfram á sigurbraut.

Ljósmyndarar Getty Images voru á öllum leikjum helgarinnar í ensku úrvalsdeildinni og með því að smella á myndaalbúmið hér að neðan má rifja upp helgina í máli og myndum.

Liverpool er heldur betur á beinu brautinni og vann Chelsea 1-0 á útivelli í stórleik helgarinnar. Hér fagna liðsmenn Liverpool marki Xabi Alonso.
Alvaro Arbeloa og Florent Malouda í baráttunni í toppslagnum.
Robinho var á flugi og skoraði öll þrjú mörk Manchester City í 3-0 sigri á Stoke.
Joe Jordan og Tony Adams stýrðu Portsmouth í 1-1 jafntefli gegn Fulham. Sæti Harry Redknapp var hinsvegar autt enda hann horfinn á braut til Tottenham.
Vel var tekið á móti Harry Redknapp á White Hart Lane. Redknapp tók við stjórnartaumunum hjá Tottenham á laugardag og var mættur til að stýra liðinu gegn Bolton.
Tottenham fékk óskabyrjun undir stjórn Harry Redknapp og vann Bolton 2-0. Darren Bent og David Bentley fagna hér marki hins fyrrnefnda.
Það tók Arsenal 75 mínútur að ná að brjóta West Ham á bak aftur. Það þurfti sjálfsmark frá Faubert til. Adebayor bætti síðan öðru marki við í viðbótartíma og Arsenal vann 2-0 á Upton Park.
Benni McCarthy skorar hér jöfnunarmark Blackburn í leik gegn Middlesbrough. Markið kom undir blálok leiksins og úrslitin 1-1.
Aston Villa kafsigldi Wigan. Oliver Kapo og Gabriel Agbonlahor eru hér í baráttunni.
Everton og Manchester United gerðu jafntefli. Phil Neville lét finna fyrir sér gegn sínum fyrrum samherjum.
Sunderland vann granna sína í Newcastle 2-1 við mikinn fögnuð stuðningsmanna sinna. Joey Barton var mættur í baráttuna hjá Newcastle. Hér má einnig sjá Kieran Richardson sem skoraði sigurmark Sunderland með glæsilegri aukaspyrnu.
Hið ótrúlega lið Hull heldur áfram að vinna leiki en það fór létt með West Brom um helgina. Phil Brown hefur verið að gera kraftaverk með Hull.
Enski boltinn

Mest lesið


Fleiri fréttir

Sjá meira


×

Mest lesið