Síðasti dagurinn til að kjósa Ásdísi

Í dag eru síðustu förvöð þennan mánuðinn að kjósa Ásdísi Rán í fyrirsætukeppninni Is She Hot. Verði Ásdís með flest stig á miðnætti að staðartíma hefur hún unnið sér þátttökurétt í áströlskum raunveruleikaþætti þar sem sigurvegarar hvers mánaðar etja kappi.

Ásdís hefur verið efst í kosningunni allan mánuðinn, en það er ekki trygging fyrir sigri í kvöld. Í síðasta mánuði spítti sú í öðru sæti í lófana síðasta daginn og skaust upp fyrir Ásdísi.

46 þúsund manns hafa skoðað síðu Ásdísar í keppninni, og að meðaltali gefið henni einkunnina 9.15 fyrir útlit og 9.12 fyrir persónuleika. Það skilar henni meðaltalinu 9,14 sem er það hæsta sem nokkur stúlka hefur haft.

Þau stig gætu þó lækkað eitthvað. Í lok hvers mánaðar fara aðstandendur keppninnar yfir stigin og kanna hvort einhver hafi svindlað. Til að mynda hvort að aðdáendur ákveðinna stúlkna hafi gefið öðrum óeðlilegar lágar einkunnir til að tryggja sinni konu brautargengi.

Þeir sem vilja sjá Ásdísi í þættinum eru hvattir til að kjósa hana inni á heimasíðu keppninnar.