Þing Pakistans kaus forsætisráðherra

Þing Pakistans kaus í morgun nýjan forsætisráðherra landsins. Jusef Rasa Gialani var einróma kjörinn. Gilani segir baráttuna gegn hryðjuverkum verða helsta áherslumál nýrrar stjórnar.

Gilani var náinn samstarfsmaður Benazír Bhutto, fyrrverandi forsætisráðherra, sem ráðin var af dögum í desember síðastliðnum. Þjóðarflokkur hennar vann sigur í þingkosningum í síðasta mánuði.

Gilani mun leiða samsteypustjórn þeirra flokka sem eru andsnúnir Pervez Musharraf, forseta landsins.