Zabaleta á leið til Man City

Argentínumaðurinn Pablo Zabaleta er sagður á leið til Manchester City frá spænska liðinu Espanyol fyrir 6,45 milljónir punda.

Espanyol birti yfirlýsingu á heimasíðu sinni þar sem fram kom að félagið vildi ekki missa Zabaleta. En City var reiðubúið að borga þá upphæð sem þurfti til að Espanyol neyddist til að selja Zabaleta samkvæmt samningi hans.

Zabaleta sagði að hann myndi gangast undir læknisskoðun hjá City í dag og skrifa undir samninginn áður en félagaskiptaglugginn á mánudaginn.

Zabaleta getur bæði spilað á miðjunni eða í vörn en hann vann gullverðlaun með argentínska liðinu á Ólympíuleikunum í Peking.