Gerrard meiddist í sigri Liverpool í Noregi

Steven Gerrard meiddist á nára er Liverpool vann í kvöld 4-1 sigur á Vålerenga í Osló í kvöld.

Gerrard hefur átt í vandræðum með nárann undanfarið og þurfti hann að fara af velli strax í fyrri hálfleik í kvöld.

Liverpool mætir Standard Liege í forkeppni Meistaradeildarinnar eftir viku og á eftir að koma í ljós hversu lengi Gerrard verður frá.

Xabi Alonso og Yossi Benayoun skoruðu hvor sitt markið í kvöld en báðir hafa verið sagðir á leið frá félaginu. Fernando Torres skoraði einnig í kvöld sem og David Ngog.

Boljan Zajic skoraði mark Vålerenga. Liverpool hefur nú unnið sjö leiki í röð á undirbúningstímabilinu og skorað átta mörk í síðustu tveimur leikjum sínum.