Heiðar Helguson á leið til QPR

Landsliðsmaðurinn Heiðar Helguson sem leikur með Bolton í ensku úrvalsdeildinni er á leið til QPR í Championship deildinni. Þetta kemur fram í Morgunblaðinu í dag.

Heiðar hefur fá tækifæri fengið hjá Bolton í haust og vetur þrátt fyrir að vera búinn að jafna sig af meiðslum sínum.

Í Morgunblaðinu segir Heiðar að hann muni gangast undir læknisskoðun hjá QPR í dag og verði fyrst um sinn lánaður til félagsins, en skrifi svo væntanlega undir samning til 2011 þegar félagaskiptaglugginn opnar í janúar.