Aukin öryggisgæsla í Newcastle

Lögregla í Newcastle hefur aukinn viðbúnað á laugardaginn fyrir leik liðsins gegn Hull í ensku úrvalsdeildinni. Viðbúnaðurinn er vegna fyrirhugaðra mótmæla stuðningsmanna félagsins í kjölfar uppsagnar Kevin Keegan.

Sagt er að fimm mismunandi hópar fólks ætli að efna til mótmæla fyrir og eftir leikinn á laugardaginn og mun óánægja þessa fólks beinast að mestu leyti að Mike Ashley, eiganda félagsins.

Kevin Keegan var gríðarlega vinsæll meðal stuðningsmanna Newcastle og er eigandanum kennt um uppsögnina vegna meintra deilna þeirra um leikmannamál hjá félaginu.