Enn reykt á 150 ölstofum í Danmörku

Danskir vertar hafa verið misduglegir við að framfylgja reykbanninu sem sett var á dönskum öldurhúsum um áramótin. Vinnueftirlitið þar í landi hefur heimsótt 6000 ölstofur vítt og breytt um landið og ávítt 150 staði fyrir að brjóta bannið.

600 aðrir staðir hafa fengið vægari áminningu en þeir hafa ekki mótað sér reglur um hvernig banninu skuli framfylgt. Talsmaður vinueftirlitsins í Danmörku er ánægður með þessa útkomu og hann segist þess fullviss að þegar menn átti sig á því að lögin séu komin til að vera þá verði tekið fyrir reykingar með öllu.