Mills skuldar milljónir

Allt stefnir í að lögfræðingar Heather Mills muni draga hana fyrir dómstóla vegna vangreiddra reikninga. Lögfræðistofan Mishcon de Reya hefur annast mál Mills allar götur síðan tilkynnt var um skilnað hennar við bítilinn Paul McCartney fyrir um 18 mánuðum síðan án þess fá krónu í greiðslur. Nú hefur stofan fengið nóg og heimtar að fá borgað.

Mischon de Reya er með dýrustu lögfræðistofum Englands. Á meðal skjólstæðinga hennar má nefna Díönu prinsessu á meðan hún stóð í skilnaði hennar við Karl Bretaprins.

Reikningar fyrir 18 mánaða vinnu Mishcon de Reya stofunnar hljóða samkvæmt heimildum The Daily Mail upp á um 255 milljónir íslenskra króna.