Stórhættuleg sykurneysla Britney Spears

Ofneysla á sykruðum drykkjum og ruslfæði er nýjasta skýringin á furðulegu háttalagi Britney Spears.

,,Hegðun Britney Spears er ógnvænleg."s segir Dr. Timothy Brantley, læknir sem sérhæfir sig í að fræða sjúklinga um næringarfræði. ,,Hún er algerlega háð sykri. Þetta er eins og heróín fyrir eiturlyfjaneytanda.. Hún er í rússíbana á leið til helvítis."

Brantley segir að einkennilega hegðun söngkonunnar, á borð við að raka á sér höfuðið og pota regnhlíf sinni í æsta ljósmyndara, sé að hluta til hægt að skýra með neyslu hennar á sykruðum kaffidrykkjum og ruslfæði.

Læknirinn gaf uppáhalds drykk Spears, Frappuchino ískaffi, ekki góða einkunn. ,,Koffínið og sykurinn í þessum drykk getur rústað blóðsykurmagninu og ært hormónana og haft áhrif á skapið í margar klukkustundir." Brantley bætti því við að koffínið gæti valdið pirringi, minnisleysi og kvíða. ,,Ef þú neytir sykurs í óhófi þá verður þú ofboðslega ör. Ég held það hafi áhrif á dómgreind."

Franskar og hamborgarar sem söngkonan hámar í sig segir Brantley vera að minnsta kosti jafn hættuleg. ,,Þetta er eitur fyrir lifrina. Og rústar hormónabúskapnum."