Hjálpræðisherinn undirbýr jólin með bágstöddum

Jólaundirbúningur Hjálpræðishersins er að komast á fullt skrið, en liðsmenn hans veita bágstöddu fólki hjálp um hver jól. Anna María Reinholdsen, yfirforingi í Hjálpræðishernum, segir að undirbúningur fyrir árlegan aðfangadagskvölverð sé hafinn. „Við erum byrjuð að taka við skráningu í matin og sjálfboðaliðar sem hjálpa eru líka byrjaðir að skrá sig," segir Anna María og bætir við að einnig sé hafin vinna við að safna mat og öðru því sem þarf til að halda kvöldverðinn hátíðlegan. „Það er nú ekki mikið sem þarf að kaupa en alltaf eitthvað samt," segir Anna María.