Nýtt lag frá Queen

Hljómsveitin Queen gefur út nýtt lag ásamt söngvaranum Paul Rodgers á morgun. Lagið, sem heitir Say It´s Not True, er það fyrsta sem hljómsveitin sendir frá sér eftir 10 ára hlé og er gefið út í tilefni af Alnæmisdeginum. Því verður dreift ókeypis um Internetið. Roger Taylor, trymbill hljómsveitarinnar, sagði að með því að dreifa laginu án endurgjalds vildi hljómsveitin aðstoða Nelson Mandela, fyrrverandi forseta Suður-Afríku, í baráttu hans gegn Alnæmi. Freddy Mercury, söngvari Queen, lést úr þessum skæða sjúkdómi árið 1991.