Amy Winehouse drap hamsturinn minn

Gleymið öllu dópinu og brennivíninu Amy Winehouse hefur framið alvarlegasta glæp sinn til þessa. Peter Pepper söngvari hljómsveitarinnar Palladium hefur sagt frá hræðilegum dauðdaga hamsturs sem hann fékk í afmælisgjöf.

Peter og Amy voru að skemmta sér í íbúð kærustu Peters. Hann hafði farið að sofa en Amy var enn í fullu fjöri og hafði hleypt hamstrinum út til þess að leika við hann. Peter vaknar svo upp við það að hamsturinn bítur sig í puttann. Amy segist sjá um þetta og hleypur á eftir honum.

Peter fer og nær sér í plástur þegar Amy segist hafa komið honum í rúmið, og nú sé hann sofandi.

„Nokkrum hklukkutímum síðar sé ég hann svo ískaldann og harðann. Ég veit ekki hvað hún gerði en hann var steindauður," sagði Peter virkilega sár með afdrif hamstursins.