Jóhannes stoltur af brúðhjónunum

Jóhannes Jónsson, faðir Jóns Ásgeirs, segir að brúðkaup Jóns Ásgeirs og Ingibjargar hafi í alla staði verið einfalt en mjög hátíðlegt.

„Ég hélt þarna stutta tölu þar sem ég lýsti ánægju minni með ráðahaginn," segir Jóhannes um áherslur sínar í þeirri ræðu sem hann hélt í veislunni „Brauðstritið mun svo bara halda áfram," segir Jóhannes þegar hann er inntur eftir því hvað taki við hjá fjölskyldunni nú þegar brúðkaupið er afstaðið.

Eins og fram hefur komið voru Jón Ásgeir og Ingibjörg Pálmadóttir gefin saman við hátíðlega athöfn í Fríkirkjunni um helgina og var um 300 manns boðið til veislu í Hafnarhúsinu af því tilefni.