Chelsy sagði Harry Bretaprinsi upp í gegnum síma

Chelsy Davy sagði Harry Bretaprinsi upp í vikunni eftir nærri þriggja ára samband. Að sögn Chelsy var það áhugaleysi prinsins og ærslafullur lífstíll hans sem varð sambandinu að aldurtila. Kornið sem fyllti mælinn var þegar prinsinn ákvað frekar að fara á ruðningsleik í Frakklandi með vinum sínum heldur en að mæta í afmæli Chelsy.

Chelsy sagði Harry upp í gegnum síma en prinsinn er nú staddur í Afríku vegna góðgerðarmála. Að sögn breska dagblaðsins News of the World hefur sambandsslitið tekið verulega á sálarlíf Chelsey.

Harry virtist þó ekki vera lengi að jafna sig en hann sást á næturklúbbi í London á föstudaginn með brúnhærðri stúlku sér við hlið.