Hannes og félagar í góðum félagsskap í New York maraþoninu

Hannes Smára og félagar verða ekki í lélegum félagsskap í New York maraþoninu um helgina. Það sást í dag til Katie Holmes og Tom Cruise leggja bíl sínum fyrir framan Carlyle hótelið í New York, aðeins örfáum skrefum frá Central Park þar sem maraþoninu lýkur. OK Magazine greinir frá því að Katie ætli sér að vera meðal þeirra 37 þúsund manna sem hlaupa kílómetrana 42 á sunnudaginn. Fjölskyldan hennar verður á svæðinu líka og tekur á móti stúlkunni þegar hún kemur í mark. Cruise mun hinsvegar að sögn OK bíða eiginkonunnar á Tavern on the Green með Suri litlu.