Britney fær ekki forræði yfir börnunum

Britney Spears fær ekki forræði yfir börnunum sínum aftur. Þetta úrskurðaði dómari í Kaliforníu um í gær. Britney fær að heimsækja syni sína tvo þrisvar í viku, tvisvar frá hádegi til kvöldmatarleitis, og einu sinni yfir nótt. Heimsóknirnar fara fram undir eftirliti.

Þá verður Britney að skila inn sönnun þess að hún hafi gert ráðstafanir svo börnunum stafi ekki hætta af sundlaug á heimili hennar.

Í niðurstóðu dómsins segir að ástandið á heimili Britney sé ekki glæsilegt. Foreldraþjálfinn sem hefur heimsótt heimili hjónanna undanfarið segir að Britney virðist sárasjaldan tala eða leika við börnin. Hún sé mun uppteknari af því sem hana sjálfa langi að gera en hverju börnin gætu haft gaman af.

Þá sagði þjálfinn að þó að Spears veiti börnunum takmarkaða athygli, geri hún ekkert sem hægt væri að flokka sem illa meðferð í hefðbundnum skilningi.