Hayden Panettiere vildi helst ástarsamband við Angelinu Jolie

Heroes stjarnan Hayden Panettiere veit alveg hvernig maður á að auka á frægð sína í Hollywood. Stjarnan sem er nýorðin átján ára sagði í viðtali við GQ að sú kjaftasaga sem hún vildi helst að kæmist á kreik um sig væri að hún væri lesbísk.

,,Ef þig viljið segja að ég sé lesbía, þá er það í góðu lagi mín vegna. Það væri fyndin kjaftasaga. Ég myndi þá helst vilja eiga í ástarsambandi við Angelinu Jolie." sagði Panettiere. Það voru fleiri stjörnur á óskalistanum. ,,Það er fullt af öðrum fallegum konum - Charlize Theron, guð minn almáttugur! Kate Beckinsale er stórglæsileg líka, og Jessica Alba." sagði stjarnan.

Panettiere, sem er nýorðin átján ára, sagðist líka styðja Britney Spears í vandræðum hennar. Henni finnst illa með poppprinsessuna farið. ,,Hún var svo ímynd fegurðarinnar þegar ég var lítil. Við byggðum hana upp og rifum hana svo niður, settum hvert einasta smáatriði í lífi hennar undir smásjána. Ég get ekki ímyndað mér hvernig er að lifa lífi hennar."