Hundrað mínútur af kynlífsleikjum Kim Kardashian á netið

Kynlífsmyndband með Kim Kardashian, playboyfyrirsætu og glamúrkvendi, og fyrrverandi kærasta hennar, verður gefið út í heild sinni.

Kardashian, sem er vinkona Parisar Hilton, hafði farið í mál til að reyna að stöðva drefiingu þess, en féll frá því. Nú eru því tæpar hundrað mínútur af krassandi heimaframleiðslu fyrirsætunnar og fyrrverandi kærastans, hipphopparans Ray J, á leiðinni á netið. Óklippt, með rúmlega klukkutíma af aukaefni og talhólfsskilaboðum þar sem Kardashian skammar kærastann fyrir að leka myndbandinu í bónus.

Fyrsta útgáfa myndbandsins kom út í febrúar á þessu ári og er eitt mest selda klámmyndband í Bandaríkjunum á árinu.

En fátt er svo með öllu illt... því Kardashian hefur síðan landað myndatöku fyrir Playboy og sínum eigin raunveruleikaþætti, Keeping up With The Kardashians, sem fjallar um hana og fjölskyldu hennar.

Hún fetar þar með í fótspor vinkonu sinnar, Parisar Hilton, sem fáir vissu hver var áður en kynlífsmyndband hennar, One Night in Paris, ,,lak" á netið.