Ánægður með að það kæmist upp um framhjáhaldið

Jude Law þakkar News of The World það að gera sig að betri manni með því að koma upp um ástarævintýri hans.

Jude var gripinn í hópkynlífi þegar hann var giftur leikkonunni Sadie Frost, og seinna kom í ljós að hann hefði haldið fram hjá kærustunni sinni, Siennu Miller, með barnfóstrunni.

Hann sagði í samtali við Sun að hann væri glaður að það hefði komist upp um framhjáhaldið svona opinberlega. ,,Ég er ekki glaður að ég hafi sært fólk, en ég er þó ánægður að það hafi gerst svona opinberlega.

,,Þetta er svolítið eins og að þvo þvottinn þinn í fjölmenni, já fólk sér nærfötin þín, fólk sér ruslið þitt. " Fólk er þá bara búið að sjá allt það séð. ,,Á einkennilegan hátt er það yndislegt. ,,Ég var fáviti. Ég hegðaði mér illa. Ég gerði mistök. Hver hefur ekki gert það?"