Reese og Jake ganga í míluklúbbinn

Jake Gyllenhaal og Reese Witherspoon nýttu tíma sinn til hins ítrasta í löngu og erfiðu flugi frá Frankfurt til Los Angeles á dögunum, að sögn Star tímaritsins.

Heimildarmaður blaðsins segir að parið hafi gengið um borð í vél Lufthansa flugfélagsins sitt í hvoru lagi, til að forðast athygli. Þegar þau höfðu komið sér þægilega á fyrsta farrými fyrir hófst mikið kjass og kelerí í full hallanlegum stólunum.

Fyrr eða síðar þurfti Reese að bregða sér á klósettið. Fáum mínútum síðar elti Jake hana þangað. ,,Ég tók tímann á þeim - þau voru þarna inni saman í ellefu mínútur." sagði kjaftaskurinn.

Að mínútunum ellefu liðnum kom Jake út af klósettinu og nokkrum mínútum síðar birtist Reese. ,,Þegar þau gegnu framhjá virtust allir í klefanum forðast að horfast á þau." sagði heimildamaðurinn og bætti við að það sem eftir lifði ferðar hefði Jake unnið á tölvuna sína og Reese sofið vært við hliðina á honum.