Ungfrú Frakkland flækt í myndahneyksli

Forseti keppninnar Ungfrú Frakkland segir að núverandi handhafi titilisins, Valerie Begue eigi að afsala sér honum. Þetta kemur í framhaldi af því að Valerie á sér fortíð sem rmódel á mjög djörfum myndum sem birtar voru fyrir rúmu ári síðan.

"Ef hún hefði snefil af sjálfsvirðingu ætti hún að draga sig í hlé strax því hún er alls ekki verðugur fulltrúi Frakklands á þessu sviði," segir forsetinn en myndirnar sem hér um ræðir sýna ungfrúnna léttklædda á krossi og við að sleikja mjólk á þann máta að kynferðislegir undirtónar eru áberandi.

Forsetinn segir að hann hafi ekki vitað af þessum myndum áður en keppnin um ungfrú Frakklands var haldin og ef svo hefði verið hefði Valerie aldrei komið til greina sem sigurvegari.

Árið 2004 þurfti þáverandi ungfrú Frakkland að afsala sér titilum eftir að nektarmyndir birtust af henni í Playboy.