Tyra Banks er feit

Janice Dickinson finnst Jennifer Love Hewitt ekki feit. Tyra Banks hinsvegar er hinsvegar full frjálslega vaxin fyrir smekk súpermódelsins. Dickinson var í viðtali í The Today Show í gær þar sem hún lýsti yfir stuðningi við Hewitt, sem hefur orðið fyrir aðkasti undanfarið fyrir að bæta á sig nokkrum kílóum. ,,Hún er heilbrigð að sjá." sagði Dickinson, og bætti við: ,,Viltu sjá einhvern feitan? Fyrirgefðu Tyra. Tyra Banks er feit."

Ofurfyrirsætan sjálfyfirlýsta sagðist reyndar bara vera að grínast. Fjölmiðlar vestanhafs hafa það þó eftir starfsmönnum þáttar Tyru, ,,America's Next Top Model," að Dickinson meini hvert einasta orð. Hún sé ósátt við hvernig Tyra kom fram við hana þegar hún var einn dómara í þættinum, og svífist einskis til að koma höggi á módelmömmuna.

Dickinson hætti í þættinum árið 2005. Heimildarmennirnir segja að það hafi verið vegna þess hve henni kom illa saman við Tyru. ,,Janice gat bara ekki tekist á við hana lengur. Um leið og henni gefst færi á að henda Tyru fyrir trukk, getur þú hengt þig upp á að hún gerir það."