Bush varar við kjarnorkuhelför

Samskipti Írana og Bandaríkjamanna hafa verið stirð allt frá því Khomeini erkiklerkur tók við völdum í Íran árið 1979. Samskipti þjóðanna versnuðu síðan þegar núverandi forseti, Ahmadinejad ákvaðu að hefja auðgun úrans. Bandaríkjamenn hafa lengi haldið því fram að Íranir vilji framleiða kjarnorkuvopn en þeir hafa neitað því og sagts vera að auðga úran til að framleiða rafmagn. Hafi einhvern tímann leikið einhver vafi á því hver skoðun Bandaríkjaforseta á kjarnorkuáætlun Írana væri þá tók hann af öll tvímæli um afstöðu sína í ræðu í gær og það með afgerandi hætti.

Sérstaklega hafa Bandaríkjamenn gagnrýnt Írana fyrir tengsl þeirra við hryðjuverkumenn í Írak - leynt eða ljóst. Þeir hafi þjálfað menn og útvegað vopn.

Bandarískir hermenn í Írak handtóku í gær átta Írana grunaða um að tengjast hryðjuverkamönnum. Íranar brugðust ókvæða við en nú hafa bandaríkjamenn viðurkennt að handtökurnar voru mistök og sleppt mönnunum átta.

Sérfræðingar hafa velt því fyrir sér hvort orð Bush í gær séu merki um að hann sé að herða róðurinn gegn Írönum og vilji ekki eftirláta arftaka sínum sem kosinn verði í nóvember á næsta ári vandann með Írana. Spurningin sé hvort hann ætli að láta frekari efnahagsþvinganir duga eða hvort hann muni á endanum láta vopnin tala.