Paris Hilton langar í barn

Paris Hilton og Nicole Richie hafa bæði verið bestu vinkonur og svarnir óvinir í gegnum tíðina. Nú hefur Paris látið hafa það eftir sér að hún vonist til þess að börnin þeirra verði bestu vinir í framtíðinni.

,,Ég og Nicole höfum leikið okkur saman síðan við vorum tveggja ára gamlar." sagði Paris við People tímaritið. ,,Ég var einmitt að segja við hana að ég vildi eignast börn svo börnin okkar geti leikið sér saman."

Hilton viðurkennir þó að það séu nokkur atriði sem þarf að ganga frá áður en hún stofnar fjölskyldu. Til dæmis að eignast kærasta. Hún er sem stendur laus og liðug, en dauðlangar þó að stofna fjölskyldu.

Þangað til að það gerist lætur Paris sér nægja að leika stóru frænku fyrir barn Nicole, sem á að fæðast í janúar. ,,Nicole er rosalega spennt og glöð, og smá hrædd." sagði Paris.