Jennifer Love Hewitt trúlofast kærastanum

Stjarnan smávaxna, Jennifer Love Hewitt, hefur trúlofast kærasta sínum, skoska leikaranum Ross McCall.

Talmsmaður leikkonunnar staðfesti við US tímaritið að parið hafi trúlofast í síðustu viku í fríi á Hawaii. Trúlofunarhringurinn er ekki af verri endanum, erfðagripur sem hefur verið í fjölskyldu Ross í meira en hundrað ár.

Ross virðist ekki samsinna umsögnum slúðurpressunnar vestanhafs. Blöðin hafa verð uppfull af myndum af Hewitt á ströndinni á Hawaii, en stúlkan þykir hafa bætt á sig kílói eða tveimur. Rödd skynseminnar hefur hljómað í umsagnakerfum slúðurvefjanna, þar sem ófáar konur hafa lýst því yfir að þær fengju ekki taugaáfall yfir þessum fjölda ,,aukakílóa".