Tarantino til bjargar Lindsay Lohan

Leikstjórinn Quentin Tarantino hefur bjargað mörgum leikaranum úr dái gleymskunnar. Þar er frestur meðal jafningja John Travolta, sem Tarantino dustaði rykið af og gerði heimsfrægan í annað sinn með myndinni Pulp Fiction árið 1994. Tarantino hefur nú lýst sig reiðubúinn til að bjarga ungstirninu

Lindsay Lohan.

Leikkonan er öllu yngri og ferskari en Travolta var þegar hann lék í Pulp Fiction. Lohan á þó í stökustu vandræðum með að fá hlutverk þessa dagana, eftir að hafa um nokkuð skeið verið frægari fyrir sukk, meðferðir og misheppnaðar bíómyndir en leikhæfileika.

Tarantino hefur mikla trú á hæfileikum Lohan á hvíta tjaldinu, og vill ólmur fá hana í næsta verkefni sitt. ,,Ég myndi ráða Lindsay í hvaða hlutverk sem er." sagði leikstjórinn.