Nýjasta myndband Britney á netinu

Britney Spears hefur ekki verið upp á sitt besta þetta árið. Þúsundir mynda hafa náðst af söngkonunni utan við sig, nærbuxnalausri, rakandi af sér hárið, keyrandi yfir á rauðu ljósi og berjandi paparassa. Í myndbandinu við nýjustu smáskífu hennar, Piece of me, ræðst stjarnan fallna einmitt á paparassaherinn sem fylgir henni í hvert fótmál.

Í myndbandinu lítur Britney út fyrir að hafa aldrei gert annað en að borða grænmetið sitt, drekka mjólk og fara snemma í háttinn. Illkvittnar raddir vestanhafs hafa reyndar haldið því fram að líklega hafi jafn miklu verið eytt í förðun og fótosjopp og afganginn af myndbandinu.

Dæmi hver fyrir sig. Myndbandið má skoða hér.