Umbreytingar líta dagsins ljós 9. ágúst 2007 05:45 Tæp tvö ár þurfti til að skapa trúverðuga umbreytinga, en kvikmyndin um þessa vélvæddu geimverur þykir ákaflega vel gerð. Kvikmyndin Transformers eða Umbreytingar var frumsýnd í gær hér á landi en hún þykir ein best heppnaða sumarmyndin. Myndin er byggð á frægum leikföngum frá 7. áratug síðustu aldar sem eiga rætur að rekja til Japans. Umbreytingar segir frá baráttu hinna góðu Autobots undir stjórn Optimus Prime og hinna miskunnarlausu Decepticons sem eru leiddir áfram af Megatron (Galvatron). Stríð þessara andstæðu fylkinga sem berjast um völdin á plánetunni Cybertron berst alla leið til jarðar þar sem mannfólkið er eingungis peð á taflborði hinna stríðandi fylkinga. Umbreytingarnir komu fyrst fram á sjónarsviðið árið 1983 þegar japanski leikfangaframleiðandinn Takara mætti á leikfangasýningu í Tókýó og kynnti fyrir gestum og gangandi vélmenni utan úr geimnum sem gátu umbreytt sér í bíla, flugvélar eða aðra hversdagslega hluti. Bandaríska fyrirtækið Hasbro gleypti við hugmyndinni og í kjölfarið var skrifað undir samstarfssamning sem fólst í sér að Hasbro myndi hanna og skapa nýjar persónur og hafa yfirumsjón með Ameríkumarkaðinum en Takara myndi framleiða og sjá um markaðinn í Japan. Transformers-hugmyndin sló samstundis í gegn. Marvel-myndasögufyrirtækið tók leikföngin upp á sína arma og skapaði myndasögublöð um þessa kynlegu kvisti utan úr geimi. Fljótlega urðu síðan til teiknimyndir sem sýndar voru við miklar vinsældir hér á landi í morgunsjónvarpi auk teiknimyndar í fullri lengd. Það var þó ekki fyrr en 23 árum eftir að leikföngin komu fyrst á markað að Hollywood bjó yfir nægjanlega fullkomnum tæknibrellum að leikin kvikmynd um vélmennin leit dagsins ljós. Hugmyndin kemur upphaflega frá Hasbro og leitaði fyrirtækið til kvikmyndaframleiðandans Dons Murphy. Murphy ætlaði að framleiða G.I. Joe en lagði hana til hliðar þegar Bandaríkjaher réðst inn í Írak árið 2003 og fór að undirbúa jarðveginn fyrir Umbreytingana enda mikill aðdáandi teiknimyndanna. Hugmyndir að handritinu gengu manna á milli og leitaði Murphy til fjölmargra handritshöfunda sem reyndu allt hvað þeir gátu til að skapa trúverðuga sögu. Hvorki gekk hins vegar né rak hjá Murphy og það var ekki fyrr en góðvinur hans, kikmyndaframleiðandinn Tom De Santo, kom á fundi við Steven Spielberg að hreyfing komst á hlutina. Spielberg hefur þó nokkra reynslu af því að gera vinsælar geimverumyndir og hann vildi gera kvikmyndina ögn mannlegri. Spielberg leitaði til leikstjórans Michaels Bay og fékk hann til að taka verkið að sér þótt Bay hafi verið nokkuð efins til að byrja með og talið að þetta yrði bara heimskuleg leikfangamynd. En áhuginn kviknaði þegar hann fór í heimsókn til Hasbro-framleiðandans og kynnti sér leikföngin og söguna. Bay ýtti hins vegar öllu út sem gæti skaðað trúverðugleika kvikmyndarinnar. Allt var gert til að halda kostnaðinum niðri og voru tökudagarnir ekki nema 38 sem þykir fremur lítið miðað við umfang. Bay leitaði jafnframt til bandaríska hersins eftir aðstoð til að spara nokkra aura og vann sjálfur dag og nótt hjá Industrial Light & Magic við að hanna og skapa umbreytingana fyrir hvíta tjaldið. Umbreytingarnir hafa fengið nokkuð góða dóma ef miðað er við álit gagnrýnenda á stórum og dýrum Hollywood-kvikmyndum. Aðdáendur leikfanganna hafa hins vegar skipst í tvo hópa og var Bay meðal annars hótað lífláti af mörgum óánægðum sem söknuðu einhverra persóna úr teiknimyndunum. Mest lesið Svona verður dagskráin á Menningarnótt Lífið Bjargaði lífi systur sinnar ellefu ára gömul Lífið Níu ástæður fyrir því að stunda morgunkynlíf Lífið Serena Williams opnar sig um notkun þyngdarstjórnunarlyfja Lífið Woody Allen aðalnúmerið hjá Rússum Bíó og sjónvarp Fréttatía vikunnar: Svíþjóð, sektir og vextir Lífið Ný viðbygging við Þjóðleikhúsið „langþráður draumur“ Menning Mamman grét, eiginmaðurinn fraus en Veru var létt Lífið Stjörnum prýdd dagskrá Bylgjunnar í Hljómskálagarðinum Lífið samstarf Hlynur Pálmason með þrennu í San Sebastian Bíó og sjónvarp Fleiri fréttir Woody Allen aðalnúmerið hjá Rússum Hlynur Pálmason með þrennu í San Sebastian Sælkerabíó á RIFF: Sjónræn matarveisla á Plöntunni og smakkbíó á Ramen Momo Sannfærði Balta um að snúa aftur Fróði og Gandálfur snúa aftur í leitinni að Gollri Terence Stamp látinn Auglýsa eftir innsendingum til íslensku sjónvarpsverðlaunanna Nýr Rambo fundinn Óvænt nöfn á könnu Köngulóarmannsins Óþekkjanleg stjarna Ingvar E. valinn besti leikarinn í Grikklandi Malkovich klipptur út úr Hinum fjóru fræknu Reykjavík Visual Effects tilnefnt til tveggja Emmy-verðlauna Sleðinn úr Citizen Kane orðinn næstverðmætasti leikmunurinn Severance sópar að sér Emmy-tilnefningum Bestu hlutverk Michaels Madsen: Óþokki með viskýrödd og uppáhald Tarantino Djöfullinn klæðist Prada á ný Sjá meira
Kvikmyndin Transformers eða Umbreytingar var frumsýnd í gær hér á landi en hún þykir ein best heppnaða sumarmyndin. Myndin er byggð á frægum leikföngum frá 7. áratug síðustu aldar sem eiga rætur að rekja til Japans. Umbreytingar segir frá baráttu hinna góðu Autobots undir stjórn Optimus Prime og hinna miskunnarlausu Decepticons sem eru leiddir áfram af Megatron (Galvatron). Stríð þessara andstæðu fylkinga sem berjast um völdin á plánetunni Cybertron berst alla leið til jarðar þar sem mannfólkið er eingungis peð á taflborði hinna stríðandi fylkinga. Umbreytingarnir komu fyrst fram á sjónarsviðið árið 1983 þegar japanski leikfangaframleiðandinn Takara mætti á leikfangasýningu í Tókýó og kynnti fyrir gestum og gangandi vélmenni utan úr geimnum sem gátu umbreytt sér í bíla, flugvélar eða aðra hversdagslega hluti. Bandaríska fyrirtækið Hasbro gleypti við hugmyndinni og í kjölfarið var skrifað undir samstarfssamning sem fólst í sér að Hasbro myndi hanna og skapa nýjar persónur og hafa yfirumsjón með Ameríkumarkaðinum en Takara myndi framleiða og sjá um markaðinn í Japan. Transformers-hugmyndin sló samstundis í gegn. Marvel-myndasögufyrirtækið tók leikföngin upp á sína arma og skapaði myndasögublöð um þessa kynlegu kvisti utan úr geimi. Fljótlega urðu síðan til teiknimyndir sem sýndar voru við miklar vinsældir hér á landi í morgunsjónvarpi auk teiknimyndar í fullri lengd. Það var þó ekki fyrr en 23 árum eftir að leikföngin komu fyrst á markað að Hollywood bjó yfir nægjanlega fullkomnum tæknibrellum að leikin kvikmynd um vélmennin leit dagsins ljós. Hugmyndin kemur upphaflega frá Hasbro og leitaði fyrirtækið til kvikmyndaframleiðandans Dons Murphy. Murphy ætlaði að framleiða G.I. Joe en lagði hana til hliðar þegar Bandaríkjaher réðst inn í Írak árið 2003 og fór að undirbúa jarðveginn fyrir Umbreytingana enda mikill aðdáandi teiknimyndanna. Hugmyndir að handritinu gengu manna á milli og leitaði Murphy til fjölmargra handritshöfunda sem reyndu allt hvað þeir gátu til að skapa trúverðuga sögu. Hvorki gekk hins vegar né rak hjá Murphy og það var ekki fyrr en góðvinur hans, kikmyndaframleiðandinn Tom De Santo, kom á fundi við Steven Spielberg að hreyfing komst á hlutina. Spielberg hefur þó nokkra reynslu af því að gera vinsælar geimverumyndir og hann vildi gera kvikmyndina ögn mannlegri. Spielberg leitaði til leikstjórans Michaels Bay og fékk hann til að taka verkið að sér þótt Bay hafi verið nokkuð efins til að byrja með og talið að þetta yrði bara heimskuleg leikfangamynd. En áhuginn kviknaði þegar hann fór í heimsókn til Hasbro-framleiðandans og kynnti sér leikföngin og söguna. Bay ýtti hins vegar öllu út sem gæti skaðað trúverðugleika kvikmyndarinnar. Allt var gert til að halda kostnaðinum niðri og voru tökudagarnir ekki nema 38 sem þykir fremur lítið miðað við umfang. Bay leitaði jafnframt til bandaríska hersins eftir aðstoð til að spara nokkra aura og vann sjálfur dag og nótt hjá Industrial Light & Magic við að hanna og skapa umbreytingana fyrir hvíta tjaldið. Umbreytingarnir hafa fengið nokkuð góða dóma ef miðað er við álit gagnrýnenda á stórum og dýrum Hollywood-kvikmyndum. Aðdáendur leikfanganna hafa hins vegar skipst í tvo hópa og var Bay meðal annars hótað lífláti af mörgum óánægðum sem söknuðu einhverra persóna úr teiknimyndunum.
Mest lesið Svona verður dagskráin á Menningarnótt Lífið Bjargaði lífi systur sinnar ellefu ára gömul Lífið Níu ástæður fyrir því að stunda morgunkynlíf Lífið Serena Williams opnar sig um notkun þyngdarstjórnunarlyfja Lífið Woody Allen aðalnúmerið hjá Rússum Bíó og sjónvarp Fréttatía vikunnar: Svíþjóð, sektir og vextir Lífið Ný viðbygging við Þjóðleikhúsið „langþráður draumur“ Menning Mamman grét, eiginmaðurinn fraus en Veru var létt Lífið Stjörnum prýdd dagskrá Bylgjunnar í Hljómskálagarðinum Lífið samstarf Hlynur Pálmason með þrennu í San Sebastian Bíó og sjónvarp Fleiri fréttir Woody Allen aðalnúmerið hjá Rússum Hlynur Pálmason með þrennu í San Sebastian Sælkerabíó á RIFF: Sjónræn matarveisla á Plöntunni og smakkbíó á Ramen Momo Sannfærði Balta um að snúa aftur Fróði og Gandálfur snúa aftur í leitinni að Gollri Terence Stamp látinn Auglýsa eftir innsendingum til íslensku sjónvarpsverðlaunanna Nýr Rambo fundinn Óvænt nöfn á könnu Köngulóarmannsins Óþekkjanleg stjarna Ingvar E. valinn besti leikarinn í Grikklandi Malkovich klipptur út úr Hinum fjóru fræknu Reykjavík Visual Effects tilnefnt til tveggja Emmy-verðlauna Sleðinn úr Citizen Kane orðinn næstverðmætasti leikmunurinn Severance sópar að sér Emmy-tilnefningum Bestu hlutverk Michaels Madsen: Óþokki með viskýrödd og uppáhald Tarantino Djöfullinn klæðist Prada á ný Sjá meira