Britney með ,,takeaway" kærasta

Britney Spears hefur einfaldan smekk á karlmönnum. Hún hefur líka einfaldan smekk á mat. Britney sló því tvær flugur á dögunum, þegar hún skaust í kvöldmat inn á Mirabelle, einn uppáhalds veitingastaðinn sinn í Hollywood, og kom út aftur með þjón upp á arminn.

Sá heppni heitir Michael Marchand. Slúðurpressan vestanhafs segir að skötuhjúin hafi reyndar verið að hittast á laun, og séu smám saman að opinbera samband sitt. Þau munu hafa hittst á Mirabelle í byrjun nóvember, og hafa síðan átt rómantísk stefnumót í villu Spears.

Grunur kviknaði um að Spears væri búin að næla sér í nýjan gæja þegar það sást til hennar mæta á fitusogsstofu í Las Vegas. Life and Style greindi frá því að Spears hefði látið snyrta sig til fyrir rúmar 700 þúsund krónur og meðal annars látið soga fitu úr rassi og fótleggjum.