Hneyksli skekur grunnskóla

Græna ljósið frumsýnir spennutryllinn Notes on a Scandal, með Cate Blanchett og Judi Dench í aðalhlutverki, annað kvöld.

Dench fer með hlutverk Barböru Covett, einmana kennslukonu sem stjórnar nemendum sínum með járnaga.

Veröld hennar umturnast þegar listakennarinn Sheba Hart, leikinn af Blanchett, hefur störf við skólann. Í Shebu finnur Barbara vin sem hún hefur svo lengi þarfnast en þegar sú síðarnefnda kemst að því að vinkona sín á í ástarsambandi við nemanda tekur vinátta þeirra óvænta stefnu; Barbara hótar að ljóstra upp um leyndarmálið og stefna þar með starfi og hjónabandi Shebu. Um leið fer hins vegar að glitta leyndarmál Barböru sjálfrar sem ekki þola dagsins ljós, og uppgjör verður óumflýjanlegt.

Dench og Blanchett þykja sýna magnaðan leik í aðalhlutverkunum og báðar tilnefndar til Óskarsverðlauna fyrir frammistöðu sína. Auk þeirra fer Bill Nighy með stórt hlutverk en leikstjóri er Richard Eyre.