Eftirförin endaði úti í runna

Æsilegri eftirför lögreglu eftir innbrotsþjófi lauk undir morgun með því að þjófurinn ók bíl sínum farman á lögreglubíl og var hann og lögreglumaður úr bílnum fluttir á Slysadeild til aðhlynningar. Hvorugur mun þó vera alvarlega slasaður, en bílarnir eru líklega ónýtir. Eftirförin hófst við Bláfjallaafleggjarann og ók þjófurinn á allt að 200 kílómetra hraða í átt til borgarinnar þegar mest var. Hann virti hvorki umferðarmerki né umferðarljós og ók inn í Breiðholtshverfið. Í Fílshólum lenti hann framan á lögreglubílnum, kastaðist yfir grasflöt og hafnaði inni í trjárunna.Við það vankaðist þjófurinn og gerði ekki frekari flóttatilraunir. Málið er í rannsókn.