Álftanes ljósleiðaravætt

Í dag undirrituðu Alfreð Þorsteinsson, formaður stjórnar Orkuveitu Reykjavíkur, Guðmundur Þóroddsson, forstjóri og Guðmundur G. Gunnarsson, sveitarstjóri, viljayfirlýsingu um að Sveitarfélagið Álftanes verði inni í áætlunum Orkuveitu Reykjavíkur um ljósleiðaravæðingu alls veitusvæðisins. Orkuveita Reykjavíkur áformar að stærstum hluta verkefnisins á Álftanesi verði lokið fyrir árslok 2010.

Fram kemur í yfirlýsingunni, sem er undirrituð með fyrirvara um samþykki stjórnar OR, að hverfi í sveitarfélaginu þar sem ljósleiðararör hafa verið lögð samhliða nýframkvæmdum eða endurnýjunum verða virkjuð ásamt þeim nýju hverfum sem eru í uppbyggingu og á áætlun sveitarfélagsins. Tekið er fram af hálfu OR að samningar fyrirtækisins við Símann um kaup á grunnneti kunni að hafa áhrif á framvindu málsins, svo og ástand á verktakamarkaði.