Undirbúa írskt sveitabrúðkaup

Skandalaparið Kate Moss og Pete Doherty er að undirbúa írskt sveitabrúðkaup þessa dagana. Samkvæmt breskum slúðurblöðum er Kate búin að vera með Doherty og Babyshambles á tónleikaferðalagi um Írland og hafa þau ákveðið að ganga í það heilaga þar ásamt því að eyða hveitbrauðsdögunum sínum þar.

Dohery bað Kate á dögunum en fór svo beint í meðferð þannig að lítill tími er búinn að vera fyrir undirbúning á brúðkaupinu, sem parið vill að fari fram sem fyrst. Einnig hafa þau látið hafa það eftir sér þau vilja stofna fjölskyldu saman sem fyrst.