Leggur til hertar aðgerðir gegn vopnahlésbrotum Ísraela

Foringi UNIFIL-friðargæslusveitanna í Líbanon lagði til í gær að vopnum yrði beitt gegn brotum Ísraela á vopnahléssamningnum við Líbanon. Kvartar hann yfir því að Ísraelar fljúgi ítrekað yfir líbanska lofthelgi. Hann segir hins vegar að beiting ofbeldis krefjist breytingu á starfsreglum UNIFIL.

"Ef diplómatískar lausnir duga ekki til, þá ætti kannski að athuga aðrar leiðir," sagði franski hershöfðinginn Alain Pellegrini á blaðamannafundi í höfuðstöðvum Sameinuðu þjóðanna í New York í gær. Hann sagði flug Ísraela yfir líbanska lofthelgi vera "skýr brot á vopnahléssamþykkt öryggisráðsins númer 1701."

Ísraelar gagnrýndu orð hershöfðingjans en diplómatar hjá Sameinuðu þjóðunum hafa ítrekað að ekki sé til umræðu að friðargæslusveitir í Líbanon fái heimildir til beitingar vopnavalds.