Sjálfstæðisflokkur og Vinstri grænir í sókn á Akranesi

Sjálfstæðisflokkurinn og Vinstri grænir eru í verulegri sókn á Akranesi en fylgi við Samfylkinguna minnkar frá síðustu kosningum og Framsóknarflokkur tapar helmingi fyrra fylgis síns, samkvæmt nýrri skoðanakönnun Fréttablaðsins.

Þrátt fyrir þessar sveiflur yrði ekki veruleg breyting á fjölda bæjarstjónarfulltrúa hvers flokks. Sjálfstæðisflokkur héldi sínum fjórum og Samfylkingin sínum þremur, en Framsóknarflokkurinn tapaði öðrum fulltrúa sínum yfir til Vinstri Grænna, sem ekki hafa átt mann í bæjarstjórninni.