Láttu Bent í friði

Les Reed, sitjandi knattspyrnustjóri enska úrvalsdeildarliðsins Charlton, segist þegar hafa sent fyrrum stjóra félagsins Alan Curbishley sms-skilaboð og varað hann við því að reyna að bjóða í framherjann Darren Bent. Curbishley tók við West Ham í gær og breskir fjölmiðlar slá því föstu að Curbishley muni reyna að ná í markaskorarann unga.

"Þetta er bara orðrómur á þessu stigi, en það kemur ekki til greina að selja leikmanninn. Bent lék auðvitað undir stjórn Curbishley á sínum tíma og því beið maður eftir því að svona slúður færi af stað. Ef ég væri í sporum Curbishley myndi ég eflaust athuga hvort ég gæti fengið Bent til að hjálpa mér í að forða liðinu frá falli - en ég þer þegar búinn að senda Alan sms sem í stóð; "Láttu hann vera - haltu þig fjarri"