Ferguson á von á mjög erfiðum grannaslag

Sir Alex Ferguson segist eiga von á mjög erfiðum leik þegar grannarnir í Manchester eigast við í ensku úvalsdeildinni á morgun. Manchester City hefur náð í stig í síðustu tveimur leikjum sínum á Old Trafford og því á Ferguson von á miklu stríði á morgun.

"Manchester City berst hart fyrir hverju stigi líkt og það hefur gert síðustu tvö ár og það á svo sannarlega við þegar það kemur í heimsókn á Old Trafford. Lið koma hingað full af eldmóð og við þurfum að bregðast við því og vera tilbúnir í mikla baráttu. Flest lið draga sig aftar á völlinn á Old Trafford og ég hef ekkert við það að athuga, við verðum bara að finna leið til að brjóta þá á bak aftur," sagði Ferguson.