Er ekki að taka við West Ham

Umboðsmaður knattspyrnuþjálfarans Sven-Göran Eriksson segir ekkert hæft í þeim fréttum að Sven-Göran Eriksson verði næsti knattspyrnustjóri West Ham ef íranski milljarðamæringurinn Kia Joorabchian kaupi félagið á næstunni.

Eriksson á að hafa snætt með einum af fjárfestunum sem eiga samstarf með Joorabchian í Ísrael á dögunum og var þessi fundur fljótur að hleypa slúðrinu af stað í bresku pressunni. Umboðsmaður Svíans atvinnulausa segir þessar fréttir hreint og klárt bull.