Attenborough sæmdur heiðursdoktorsnafnbót við HÍ

David Attenborough var sæmdur heiðursdoktorsnafnbót við Háskóla Íslands við útskrift skólans í dag. Hátt í eitt þúsund stúdentar voru brautskráðir frá Háskóla Íslands í dag.

Laugardalshöllin var þétt skipuð af nemendum og aðstandenum þeirra við útskriftina í dag. Hátt í sjö hundruð nemar voru að ljúka grunnnámi, um hundrað og sjötíu meistaranámi, rúmlega hundrað úr viðbótar og starfsréttindanámi og níu doktorsnámi.

Einn af þeim sem útskrifaðist í dag var Sveinn Hákon Harðarson sem útskrifast með meistarapróf í líf- og læknavísindum. Lokaeinkunn hans var 9,83 en nemandi hefur aðeins einu sinni fengið svo háa einkunn í Háskóla Íslands.

David Attenborough var sæmdur heiðursdoktorsnafnbót við Háskóla Íslands. Hann er mörgun Íslendingum vel kunnur fyrir þætti sína Lífið á jörðinni en þessir náttúrulífsþættir hans hafa notið mikilla vinsælda. Attenbourough gat ekki verið viðstaddur athöfnina en ávarpaði gesti frá Galapagos eyjum og sagðist hann mjög þakklátur fyrir heiðursdoktorsnafnbótina.