FL Group skilar 6.644 milljóna króna hagnaði

Hagnaður FL Group samstæðunnar fyrir skatta á fyrsta ársfjórðungi 2006 var 6.644 milljónir króna samanborið við 28 milljóna króna hagnað árið áður. Að teknu tilliti til skatta var hagnaður tímabilsins 5.839 milljónir króna, samanborið við 25 milljónir króna árið áður. Arðsemi eiginfjár á tímabilinu nam 33,8% segir í tilkynningu frá félaginu.

Afkoma af fjárfestingastarfsemi nam 9.973 milljónum króna fyrir skatta, en á sama tímabili nam árstíðarbundið tap rekstrarfélaga að frádregnum samrunakostnaði hjá Sterling 2.530 milljónum króna. Að meðtöldum samrunakostnaði var tapið 3.329 milljónum króna.

Þessar niðurstöður undirstrika áherslur í fjárfestingarstarfsemi FL Group, einkum í framtaks- og umbreytingarverkefnum sem og stöðutöku í verðbréfum.