Litla hryllingsbúðin sýnd í Íslensku óperunni í kvöld

Söngleikurinn Litla Hryllingsbúðin verður tekin til sýninga í Íslensku óperunni í kvöld. Það er leikfélag Akureyrar sem setur upp sýninguna en hún hefur verið sýnd norðan heiða við góðar undirtektir. Litla hryllingsbúðin ætti að vera mörgum góðkunn en söngleikurinn var síðast sýndur í Íslensku óperunni árið 1984 en það var Laddi sem sló eftirminnilega í gegn í hlutverki trannlæknisins ógurlega. Það er Magnús Geir Þórðarson sem leikstýrir sýningunni en með helstu hlutverk fara Andrea Gylfadóttir, Vigdís Hrefna Pálsdóttir, Guðjón Davíð Karlsson og Jóhannes Haukur Jóhannesson.