Sleit sambandinu með smáskilaboðum

Ofurfyrirsætan Jill Marie Gulseth er enn í sárum eftir að Kid Rock, unnusti hennar til þriggja mánaða, sagði henni upp með smáskilaboðum. Pamela Anderson og Kid Rock giftu sig sem kunnugt er á skútu við St. Tropez fyrir skömmu.

Það er bæði sárt og erfitt að vera sagt upp með smáskilaboði, sagði Jill í samtali við blaðið In Touch. Ég grét lengi á eftir og þurfti að leita huggunar hjá vinum og ættingjum. Það er ekki auðvelt að sjá þau dag eftir dag í fréttunum. Pam og Kid Rock tóku aftur saman í síðasta mánuði en þau voru par í skamma stund árið 2003.