Misjafnir dómar

Kvikmyndin World Trade Center eftir Oliver Stone var frumsýnd í New York fyrir skömmu. Myndin segir frá tveimur lögregluþjónum sem taldir eru hafa verið þeir síðustu sem björguðust úr rjúkandi rústum Tvíburaturnanna. Með aðalhlutverkið fer Nicholas Cage en bæði John McLoughlin og William Jimeno sem myndin fjallar um voru mættir á frumsýninguna. Þeir hafa verið töluvert gagnrýndir af ekkjum annarra lögregluþjóna sem létu lífið í árásinni fyrir að vilja græða peninga á ógæfu annarra.

Gagnrýnandi Hollywood Reporter sagði myndina vera bæði hreina og beina sem þjónaði sögunni ákaflega vel og Variety hrósaði leikstjóranum fyrir að nálgast viðfangsefnið með mikilli virðingu. Hins vegar bætti gagnrýnandinn við að þrátt fyrir hjartnæm andartök væri World Trade Center frekar hæg og leiðinleg kvikmynd.