Tveir og hálfur lítri af áfengi á mann

Íslendingar innbyrða tæplega 2,4 lítrum af áfengi yfir Verslunarmannahelgina sem nú gengur í garð. Við áætlum að salan verði um 730 þúsund lítrar af áfengi fyrir helgina, segir Sigrún Ósk Sigurðardóttir, aðstoðarforstjóri Áfengis- og tóbaksverslunar ríkisins. Tæp 80% af sölunni er bjór en rauðvínið er um 9%.

Verslunarmannahelgin er ein stærsta helgin í áfengissölu hjá ÁTVR og fer salan vaxandi með hverju ári. Í fyrra voru um 700 þúsund lítrar seldir fyrir verslunarmannahelgina. Áætlað söluverðmæti áfengis fyrir helgina er í kringum 525 milljónir en á sama tíma í fyrra var það um 500 milljónum.

Þótt salan hjá ÁTVR sé mikil nú er verslunarmannahelgin ekki stærsta helgi ársins. Við seljum oftast mest vikuna fyrir jól. Í fyrra nam söluverðmæti áfengisins um 559 milljónum, segir Sigrún Ósk aðstoðarforstjóri, sem tekur þó fram að aðeins sé um áætlun sé að ræða. Réttar tölur fáist eftir helgi.