Grant í brúðkaupið

Fyrirsætan Elizabeth Hurley er að fara að giftast unnusta sínum, indverska milljónamæringnum Aroun Nayar, á næstunni. Samkvæmt blaðinu Daily Star hefur Hurley beðið fyrrverandi kærasta sinn, Hugh Grant, um að vera svaramaður hennar í brúðkaupinu.

Hurley og Grant hafa haldið góðu sambandi síðan leiðir þeirra skildu en Grant á einnig kærustu sem ber nafnið Jemina Khan og líst henni ekki nógu vel á þennan ráðahag. Khan hræðist umfjöllun fjölmiðla í kjölfar brúðkaupsins og vill ekki að fólk misskilji samband Hurley og Grants.

Margt verður um manninn í brúðkaupinu og þykja spekingar vita fyrir víst að ef Grant afþakki boð Hurley þá muni Elton John vera næstur í röðinni.