Afmælislist

Myndlistarmaðurinn Sigurður Örlygsson opnaði sýningu í Listhúsi Ófeigs á Skólavörðustíg 5 um síðustu helgi en hún er haldin í tilefni af sextugsafmæli hans. Á sýningunni eru 120 vatnslitamyndir sem mynda tvær seríur en myndirnar eru allar unnar á þessu ári.

Sigurður hefur haldið um 50 einkasýningar en hann stundaði nám við Myndlista- og handíðaskólann og síðar framhaldsnám í Kaupmannahöfn og New York.

Sýningin verður opin á þjónustutíma listhússins en henni lýkur 23. ágúst.